Shukl Paksh see badhti..
Apni hi taal par Naachti- thirakti..
Apni hi taal par Naachti- thirakti..
Mohni hiran si, kulaanche bharti...
Masoom chutkulon par khul ke Khilkhilaati...
Masoom chutkulon par khul ke Khilkhilaati...
Kabhi swapna shrinkhalaon ko tutla ke sunaati...
Kabhi Akeli gungunaati..
Kabhi Akeli gungunaati..
Kabhi shaant, Kshitij ko muska ke nihaarti...
Pedon se, patton se, hawaa se, jaane kya batiyaati....
Pedon se, patton se, hawaa se, jaane kya batiyaati....
Aaj gudiya gum sum hai..
Apni chhoti doorbeen se anmani hoke jane kaun si chidiya dhoondh rahi hai..
Barkha ki boondein zoom kar ke dekhti aur dhamm se baith jaati...
Aaj apni neeli kurti pahen zaraa nahi ithalayi..
Kadam bhaari hain, chotiyan nahi bandhawayin...
Kadam bhaari hain, chotiyan nahi bandhawayin...
“Ma mujhe baahar jaana hai...
Tum kehti thee ped paani hawaa achche hain...
Tum kehti thee, jo bhaagein daudein, gire padein.. wo hi bachche hain..
Dekho us ped pe latke aam... abhi lagte kachchche hain...
Mujhko gulel de do jis par California likha hai....
Aur woh kangaroo wala boomerang...
jo jaane kab se tumne sajaa rakha hai...
jo jaane kab se tumne sajaa rakha hai...
Dekho, Mr. Ashok. ka ped, kaise jhuka hua hai!!!
Sad hai mumma!! kyonki sab kuchh ruka hua hai..
Sad hai mumma!! kyonki sab kuchh ruka hua hai..
Maine uski bholi ankhon mein kautoohal toh kai baar hai dekha..
Pehli baar dikhi mujhko chinta ki rekha....
Maine kahaa bitiya batlaa mujhko Alice ki kahaani...
kis tarah dari thee..
Jab anjaane rabbit hole mein aundhi aa giri thee..?
Phir jab usne apna nanhaa deel uthaaya..
Khud ko sapnon ki viraat duniya mein paaya...
Khud ko sapnon ki viraat duniya mein paaya...
Pehle woh sahami sahami thee...??
phir dheere dheere us “rabbit hole” mein badhi bahut gahma gahmi thee...
Naye rang ke din, nayi raatein, naye taur tareeke,
Jeevan ke har path par aayenge kuchh pal meethe, kuchh pheeke..
Jab jab Alice rabbit hole se baahar aayi...
Ho gayi thodi aur sayaani..
Le aayi woh saath, niraali phir se koi aur kahaani...